كان يا مكان

بسم الله الرحمن الرحيم
بدي احكي قصة يا اخوان ... الله واحد مالو ثان
القصة قصة انسانة ... عاشت في قديم الزمان
اولها .....كان الها اربع شبان
محمد واحمد وغسان .. اصغرهم اسمو عدنان
بعد ما كبروا يا اخوان ... شاهدوا غدر اللئام
سألو امهم يا يما ... ليش ما النا بستان
وينو ابونا يا يما ... قلتيلنا انو رجعان
وليش منسكن بالخيمة ... من دون كل الجيران
قالت امهم يا ولادي ... كان النا اجمل بستان
حرثوا ابوكم بذراعو ... زرعو العنب والرمان
وكلو في وكلو مي ... كلو خضرة وأطمئنان
عندو تلة مرتفعة ... هوائها بيشفي العيان
كنا نقضي فيه الليل ... والقمر فوقنا سهران
نتسامر ونقول يا ليل ... والدنيا كلها امان
كنتو انت ولاد صغار ... تنزلو على البستان
تقطعوا من الاثمار ... تلعبو مع الاطفال
مر الزمن يا ولادي ... كبر العنب والرمان
لكن الظالم يا احبابي ... غادر ما الو امان
هجموا علينا الاعادي ... والطفل قبل النسوان
واللي استشهد استشهد ... وتصاوبوا كل السكان
-------------------------------------------
اليوم كبرتو يا ولادي ... صرتو من الرجال الشجعان
فلسطين بتستنى ... بتستنى كل الفرسان
وتنادي هي يا احبابي ... حرروني من العدوان
وتنادي هي يا رجالي ... حرروني من الطغيان
-------------------------------------------
اتطوع احمد وغسان ... لحقوا محمد وعدنان
اتطوع احمد وغسان ... لحقوا محمد وعدنان
كل واحد ودع امو ... حملوا رشاش وقران
كل واحد ودع امو ... حملوا رشاش وقران
نزلوا على فلسطبن ... وتوجهوا ع البستان
عند حدود البيارة ... والقمر يرسل لمعان
وأستشهدوا بالغارة ... قبل ما يشوفوا البستان
واستشهدوا بالغارة ... ما قدروا يشوفوا البستان
على باب الخيمة وقفت ... ام احمد ام الشجعان
قالت يا ربي حمدك ... غيرك ما اني حمدان
على باب الخيمة وقفت ... ام احمد ام الشجعان
قالت يا ربي حمدك ... ما غيرك اني حمدان
جوزي وولادي فدوى ... فلسطين أرض الإيمان
رايح ابكي ورايح انوح ... لكن يا ربي فرحان
رايح ابكي ورايح انوح ... لكن يا ربي فرحان

=============